Yragyň Mosul şäheriniň etegindaki Naýnawa ülkesinde 27-nji sentýabr gijesi bolan toýda ýangynda 100-den gowrak adam heläk boldy, 150 adam ejir çekdi diýip, ýurduň «Rudaw» teleýaýlymy habar berdi. Bu barada «Interfax.ru» ýazýar.
Lukmanlar ejir çekenleriň köpüsiniň agyr ýagdaýdadygyny habar berdi.
Heläkçilige toý wagty feýerwerk atylmagynyň sebäp bolandygy aýdylýar. Ol ýangynyň döremegine getiripdir. Toý dabarasynyň geçýän ýerinde ýangyn howpsuzlygy düzgünleri berjaý edilmändir. Bina tiz ýanýan gurluşyk serişdelerinden gurlup, ýangyn sähel salymda tutaşypdyr.
