Türkmenistanyň käbir şäherlerine ýolagçy otlylarynyň gatnawlary artdyryldy. Gatnawlar indi ozalky ýaly adaty tertipde amala aşyrylýar.

«Demirýollary» açyk görnüşli paýdarlar jemgyýetiniň berýän habaryna görä, 16-njy aprelden Aşgabat — Türkmenabat — Aşgabat ugruna ýolagçy otly gatnawlary gündelik ýola goýuldy.

Şeýle hem Aşgabat — Türkmenbaşy — Aşgabat ugry boýunça otly gatnawlary her gün ýerine ýetirilýär.

19-njy aprelden Türkmenabat — Gazojak — Türkmanabat ugry boýunça-da gatnawlar her gün ýerine ýetiriler.

Gatnaw tertibi bilen «Demirýollary» açyk görnüşli paýdarlar jemgyýetiniň resmi web-saýty arkaly giňişleýin tanşyp bilersiňiz!

Şeýle-de okaň:

• Indi Türkmenistanda otly peteklerini 15 gün öňünden satyn almak mümkin
• Ykjam programma üpjünçiligi arkaly otly üçin «Türkmendemirýollary» petek satyn almak