Türkmenbaşy şäheriniň «Şagadam» futbol topary milli çempionatyň 20-nji tapgyrynda «Köpetdagy» kabul edip, güýçli garşydaşyndan 2:1 hasabynda rüstem geldi.
Ýeňiji toparyň gollaryny Mekan Aşyrow (33-nji minutda) bilen Hakmuhammet Bäşimow (50-nji minutda) geçirdi. «Köpetdagdan» bolsa 66-njy minutda Serdarmyrat Baýramow tapawutlandy.
Bu ýeňişden soň «Şagadam» ýaryş tertibinde dördünji basgançaga göterildi. Häzir «Şagadamda-da», «Köpetdagda-da» 28 utuk bar. Ýöne käbir görkezijiler boýunça «Şagadam» öňe saýlanýar.
«Köpetdag» indi 18-nji noýabr güni «Energetigi» kabul eder. «Şagadam» şol gün Maryda «Merw» bilen duşuşar.