8-nji iýulda geçirilen giňişleýin Hökümet mejlisinde Mary welaýatynyň häkiminiň bilim, medeniýet, saglygy goraýyş we sport boýunça orunbasary Aknabat Atabaýewa, Türkmenistanyň Prezidentiniň Permany bilen, Türkmen döwlet ykdysadyýet we dolandyryş institutynyň rektory wezipesine bellenildi. Mary welaýat häkiminiň bilim, medeniýet, saglygy goraýyş we sport boýunça orunbasary wezipesine bolsa Arzygül Orazowa bellenilip, ol Ahal welaýatynyň Ak bugdaý etrabynyň häkiminiň orunbasary wezipesinden boşadyldy. Bu barada «Watan» habarlar gepleşiginde habar berildi.
