Şu gün «Aşgabat» stadionynda geçirilen Türkmenistanyň çempionatynyň 23-nji tapgyrynyň senesi üýtgedilen duşuşygynda çempion «Altyn asyr» «Ahaldan» 1:3 hasabynda asgyn geldi.
Dördünji aýlawyň merkezi duşuşygy, başgaça aýtsak, «Türkmen derbisi» Türkmenistanyň Futbol federasiýasynyň çözgüdi bilen tertipnamada bellenilen gününden 26-njy noýabra geçirilipdi.
Duşuşykda «Ahalyň» pökgülerini Pirmyrat Sultanow, Didar Durdyýew we Gurban Annaýew geçirdi. «Aragatnaşykçylaryň» ýeke-täk pökgüsini 11 metrlik jerime urgusyndan Myrat Annaýew geçirdi. Bu duşuşykdan soňra «Ahalyň» hüjümçisi Didar Durdyýew 12 gol bilen netijeli futbolçylaryň sanawynda ýene-de birinji orna geçdi.
Bu duşuşykdan soňra utugyny 45-e çykaran «Ahal» ýaryşyň ikinji basgançagyndaky «Şagadam» bilen aralygy 3 utuga çenli ýygyrdy. Öňde galan üç tapgyrda bu iki topar çempionatyň kümüş medaly ugrunda göreşer.
