Boliwiýada oba hojalyk meýdanlary we öýler suwuň astynda galdy, 6 müň töweregi adam güýçli sil joşmalaryndan ejir çekdi diýip, «MIR 24» habar berýär.
Daglyk Wiaça ilatly ýeri hasylsyz galdy, ol ýerde sil ýeralma we arpa meýdanlaryny harap etdi. Olar ýerli ykdysadyýetiň esasydyr. Öý mallary-da ejir çekýär, fermerler sürülerini has belent dag gerişlerine göçürýärlar. Häzir ýerli ýaşaýjylar çeken ýitgilerini hasaplaýarlar.
«Men indi näme etjegimi-de bilmeýärin. Men döwletiň bu ýagdaýyň çözgüdini tapyp, bize kömek etmegini isleýärin. Görýäňiz-ä, çar-ýanymyzy suw aldy» Wiaçiniň ýaşaýjysy Dominga Salome gürrüň berýär.
Ýurduň raýat goragy ministriniň orunbasarynyň sözlerine görä, çabgalar dowam eder. Ol ýagdaýa adatdan daşary ýaramaz diýip baha berdi.
