Golaýda Türkmenistanyň Bilim ministrliginde Estoniýa Respublikasynyň Türkmenistandaky täze bellenen Adatdan daşary we Doly ygtyýarly ilçisi Ýaap Oranyň (oturýan ýeri Astana ş.) ýolbaşçylygyndaky wekiliýet bilen duşuşyk geçirildi. Duşuşyga eston tarapyndan, Estoniýanyň Gazagystan Respublikasyndaky ilçihanasynyň konsuly Maýýa Tasa hem gatnaşdy. Bu barada Türkmenistanyň Bilim ministrliginiň metbugat gullugy habar berdi.
Duşuşygyň dowamynda Türkmenistanyň bilim ulgamynyň sanlylaşdyrylmak hem-de Bilimiň hilini bahalandyrmak boýunça halkara maksatnamasyna (PISA) goşulmak mümkinçilikleri barada pikir alşyldy.
Eston tarapy sanly tehnologiýalary ornaşdyrmak we PISA maksatnamasyna gatnaşmak boýunça öz tejribesini paýlaşmaga taýýardygyny nygtady.
.jfif)
Mundan başga-da, Estoniýanyň wekiliýeti tarapyndan umumy orta we hünär bilim maksatnamalary boýunça gazanylan tejribeleri öwrenmek maksady bilen, türkmen wekiliýetiniň Estoniýa saparyny guramak teklip edildi diýlip, çeşmede bellenilýär.
Ýeri gelende ýatlatsak, mundan ozal Türkmenistanda Estoniýa Respublikasynyň täze ilçisiniň işe girişendigini habar beripdik.
