«Coddy» programmirleme mekdebi «Robototehnika – geljegiň hünäri» mowzugy boýunça okuw sapagyna çagyrýar
Bu çäre häzirki zaman dünýäsinde robototehnikanyň ähmiýeti we geljegi, ony çagalara öwretmegiň usullary we mümkinçilikleri bilen ene-atalary tanyşdyrmagy maksat edinýär. Amaly ussatlyk sapaklary ene-atalara çagalaryň ösmeginde we karýerasynda robototehnikanyň ähmiýetine düşünmäge hem-de baha bermäge, şeýle hem öz tejribelerinde programmirlemegiň we robototehniki gurluşlar bilen işleşmegiň esaslaryna düşünmäge kömek eder.
Okuw sapagynyň dowamynda özüňizi gyzyklandyrýan soraglaryňyza jogap alyp bilersiňiz, bu bolsa çagalary okatmagyň indiki ädimlerini kesgitlemäge kömek eder.
Ussatlyk sapaklary robototehnika ulgamynda tejribesi bolan hünärmenler tarapyndan geçiriler, olar gatnaşyjylara programmirlemegiň we algoritmiki pikirlenişiň esaslaryny özleşdirmäge kömek ederler, bu ugurdaky soňky üstünlikler bilen tanyşdyrarlar we tehnologiki ugurlar barada gürrüň bererler.
«Biz robototehnikanyň diňe bir çagalar üçin tehniki başarnyklaryny ösdürmek üçin mümkinçilik bolman, eýsem, döredijilikli we logiki pikirlenmegi, topar bolup işlemegi hem-de çylşyrymly meseleleri çözmegi öwrenmek üçin mümkinçilikdigine ynanýarys. Bu hünär döredijilik we uly açyşlar üçin mümkinçilikleri döredýär» diýip, çäräni guraýjylar belleýärler.
Okuw sapagynyň geçiriljek wagty – 9-njy awgust, 18:30. Ýerleşýän ýeri – «Berkarar» işewürlik merkezi, 1-nji gat, A 7-nji blok, «Iş Nokady» kompaniýasynyň ofisi. Okuw sapagyna giriş mugt. Ýaş çäklendirmeleri – 14+
Çärä gatnaşmak üçin şu salga haýyşnamaňyzy ibermek zerurdyr.
Ýa-da şu telefon belgileri arkaly hasaba alnyp bilersiňiz: (+993 63) 47 11 92, (+993 63) 42 67 51.
