Woleýbol boýunça erkekler ýygyndylarynyň arasyndaky Merkezi Aziýanyň Çagyryş Kubogynyň toparçalaýyn tapgyrynyň soňky oýnunda Türkmenistanyň ýygyndysy Özbegistany ýeňlişe sezewar etdi. Üç döw dowam eden oýun 25:18, 25:13, 25:10 hasaplarynda Türkmenistanyň ýeňşi bilen tamamlandy.
Türkmenistanyň ýygyndysynyň bäsleşigiň ýarym finalyndaky garşydaşy Gazagystan-Gyrgyzystan oýnundan soňra mälim bolar.
Ýaryşyň ýarym final oýunlary 26-njy iýulda, üçünji orun üçin we final duşuşyklary bolsa 27-nji iýulda geçiriler.
