11-12-nji iýunda Aşgabatda giň gerimli moda çäresi — «TurkmenTextile Expo-2025» sergisi geçiriler. Çärede dünýäniň bu pudagynyň ýyldyzlary bilen bilelikde öňdebaryjy türkmen dizaýnerleri öz işlerini hödürlär.
Sergi Türkmenistanyň Dokma senagaty ministrligi we «TurkmenExpo» tarapyndan guralýar. Ol milli mirasyň we häzirki zaman dizaýnynyň özboluşly sazlaşygyny görkezýän däp-dessurlardyr innowasiýalaryň arasyndaky meýdança bolar.
Bu çärede «GÖWHER GOUVERNET», «GOÇ YIGIT», şeýle hem «LN_ROOM» ýaly türkmen brendleriniň 12-siniň eserleri görkeziler. Özbegistanyň we Gazagystanyň dizaýnerleri bilen bilelikde Ýüpek ýolunyň senetlerini janlandyrýan «MIRASLY SENET» taslamasyna aýratyn üns berler.
Guramaçylar: «Bu diňe bir moda sergisi däl, eýsem, ol her bir kolleksiýanyň däp-dessurlardan we häzirki tendensiýalardan ybarat bolup durýan medeni sazlaşygydyr» diýip belleýärler.
Myhmanlar diňe bir moda sergilerine däl, eýsem «DUMAN JEWELRY» şaý-sepler sungatynyň sergisine-de gatnaşyp bilerler.
«TurkmenTextile Expo-2025» halkara giňişlikde türkmen dizaýnyny öňe sürmek üçin möhüm waka bolar.
Habarlaşmak üçin maglumatlar:
- Telefon belgileri: +993 71 87 18 12 / +993 63 71 95 88
- E-poçta: contact@turkmenexpo.com
- Serginiň web sahypasy: turkmentextile.turkmenexpo.com
