Günde uly koronal deşigiň emele gelmegi bilen baglylykda, Ýerde güýçli magnit tupanlaryna garaşylýar. Bu barada Russiýanyň Ylymlar akademiýasynyň Kosmos barlaglary institutynyň hem-de Gün-ýer fizikasy institutynyň wekilleri habar berdiler diýip, «Iz.ru» ýazýar.
Çaklamalara görä, duşenbe güni — 21-nji aprel agşamyndan başlap, güýçli magnit tupanynyň işjeňligi 80 göterime ýetip biler.
«Häzirki wagtda, eger Gündäki deşigiň möçberi häzirki ýagdaýynda galsa, tupanlaryň dowamlylygy gysga möhletli (iki gije-gündiz, duşenbeden sişenbä çenli) bolup biler. Has ýaramaz ýagdaýda ol çarşenbäniň bir bölegini-de öz içine alar» diýlip, institutyň Telegram-ýaýlymynda ýerleşdirilen habarda aýdylýar.
