Hytaýly alymlara 3D-tehnologiýasynyň kömegi bilen ýurduň çäginde mundan 16 müň ýyl öň ýaşan gadymy adamyň ýüz-keşbini dikeltmek başartdy.
Bu barada «Journal of Archaeological Science» ylmy neşirinde çap edilen makalada beýan edilişine görä, gadymy adamyň bitin kelleçanagydyr aşaky äňi HHR-iň günortasyndaky Guansi-Çžuan awtonom etrabyndaky Ýahuaý gowagyndan tapylypdy. Üçölçegli modelirlemek gadymy adamyň ýüz-keşbini takyk dikeltmäge mümkinçilik berdi. Ylmy barlaglaryň maksady gadymy «Homo Sapiens»-iň häzirki adamlar bilen deňeşdirilende, nähili keşpde bolandygyny anyklamakdan ybaratdy.
Ýahuaý gowagy 2014-nji ýylda tapyldy. Onda gadymy adamyň ystyhanynyň galyndylarynyň üsti açyldy.
