Hytaýyň Şanhaý Hyzmatdaşlyk guramasynda (ŞHG) 2024-2025-nji ýyllarda başlyklyk etmeginiň logotipi hem-de maksatnamasy bilen tanyşdyryldy. Bu barada «rg.ru» ýazýar.
Nyşan özünde guramanyň tugrasyny hem-de hytaý äheňlerini sazlaşykly utgaşdyrýar. Ýurduň guramada başlyklyk etmeginiň «Şanhaý ruhunyň öňe sürülmegi, ŞHG hereketde» diýen şygary logotipde üç dilde ýazylypdyr. Nyşanyň gyrasyny Kuýlun aždarhasynyň görnüşindäki hytaý bezegi jähekläp, ol Sinden öňki eýýamda (b.e.ö 21 asyr- b.e.ö 221 ý) bürünçden edilen bezeglerde ýerleşdirilipdir. Nyşanyň esasy alamaty sary-gyzyl reňk öwüşgini bolup, ol ŞHG-niň kökleriniň mes topragyň çuňuna aralaşýandygyny, ýagty geljeginiň bardygyny hem-de aýgytlylygyny we güýjüni alamatlandyrýar.
Logotipiň tanyşdyrylyş dabarasynda çykyş eden HHR-iň Daşary işler ministrliginiň resmi wekili Mao Nin ýurduň şu ýylda guramada başlyklyk etmegi bilen baglylykda, 40-dan gowrak çäreleri geçirmegiň meýilleşdirilýändigini, olaryň hatarynda ŞHG-niň syýasy partiýalarynyň forumynyň, Garyplygy azaltmak we durnukly ösüş forumynyň, Halkara maýa goýum we söwda ýarmarkasynyň hem-de ŞHG-iň milli kinofestiwalynyň bardygyny habar berdi.
