Russiýanyň häkimiýetleri 2025-nji ýyldan başlap agajyň üstaşyr daşalmagy babatda täze düzgünleri girizýär, bu düzgünleriň kabul edilmegi bilen ähli awtoulag daşaýjylaryndan, şol sanda türkmen awtoulag daşaýjylaryndan hökmany suratda hemra nawigasiýa enjamynyň ornaşdyrylmagy talap ediler.
Täze düzgünler Russiýa Federasiýasynyň çägi boýunça agaç daşaýan ýa-da üçünji ýurtlara Russiýanyň çäginden üstaşyr geçmek arkaly agaç daşaýan ähli ulag serişdelerine degişlidir.
Russiýa Federasiýasynyň Tebigat ätiýaçlyklary ministrliginiň buýrugyna görä, ähli ulag serişdeleri «GLONASS/ERA-GLONASS» nawigasiýa enjamy bilen we şahsy uniwersal identifikasiýa kartasy bilen üpjün edilmelidir.
Nawigasiýa maglumatlary «ERA-GLONASS» döwlet maglumatlar ulgamyna elýeterli bolup, ol ulag serişdeleriniň hereket edýän ýoluny hakyky wagtda yzarlamaga mümkinçilik berer.
Daşary ýurtly ýük daşaýjylaryna, şol sanda türkmen ýük gatnadyjylaryna goşmaça talaplar girizilýär — olar Russiýanyň çäginde öz kompaniýalarynyň şahamçalaryny açmalydyrlar we Identifikasiýa we autentifikasiýa boýunça bitewi ulgamynda hasaba alynmalydyrlar. Täze düzgünleri berjaý etmedikleri administratiw jogapkärçiligine çekmek göz öňünde tutulýar. Täze düzgünler 2025-nji ýylyň 1-nji ýanwaryndan güýje girýär.
Täze düzgünler «86-1» Bütinrussiýa haryt klassifikatoryna laýyklykda agajy we onuň gaýtadan işlenen önümlerini daşamak üçin ulanylýan awtoulag serişdelerine degişli bolup durýar.
