Magtymguly adyndaky Türkmenistanyň Ýaşlar guramasy Ýaşlar baýragynyň dalaşgärligine resminamalary kabul etmegini dowam edýär.
"Türkmenistan: Altyn asyr" neşiriniň habar berşi ýaly, bu çäre 16-35 ýaş aralygyndaky, edebiýat, sungat, medeniýet, ylym we tehnika, lukmançylyk, sport, oba hojalygy, jemgyýetçilik işjeňligi ýaly dürli ugurlarda uly üstünlikleri, döredijilik we zähmet işjeňligini görkezip bilen ýaş raýatlar çagyrylýar.
Öň bu baýragy almadyk adamlar bu baýraga dalaşgär bolup bilerler.
Resminamalary kabul ediliş 15-nji sentýabra çenli dowam eder.
Gatnaşmak isleýänler aşakdaky resminamalary ibermeli:
- 6 sany 3x4 ölçegindäki surat;
- pasportyň göçürmesi;
- diplomlar, hormat hatlary, metbugatda çap edilen döredijilik eserleri, telewideniýe çykyşlarynyň ýazgylary;
- iş ýa-da okuw ýerinden häsiýetnama;
- Magtymguly adyndaky Ýaşlar guramasynyň agzalyk şahadatnamasy.
Çeşmäniň belleýşi ýaly, baýragyň dalaşgärleri ministrlikleriň, pudaklaýyn dolandyryş edaralarynyň, döwlet edaralarynyň-kärhanalarynyň, jemgyýetçilik we döredijilik guramalarynyň, ylym, bilim, saglygy goraýyş edaralarynyň, ýokary we orta hünär okuw mekdepleriniň, şeýle hem köpçülikleýin habar beriş serişdeleriniň hödürlemegi bilen öňe sürülip bilner.
Çäre barada jikme-jik maglumat Magtymguly adyndaky TÝG-nyň Merkezi geňeşiniň web-saýtynda ýerleşdirildi.
- Habarlaşmak üçin telefon: (+993 12) 44-88-55.
