Gyrgyzystana Birleşen Milletler Guramasynyň baş sekretary Antoniu Guterriş sapar bilen bardy, ony «Yssykköl» halkara howa menzilinde ýurduň Ministrler Kabinetiniň başlygynyň orunbasary Edil Baýsalow garşylady diýip, «MIR 24» ýazýar.
Saparyň çäklerinde baş sekretaryň Gyrgyzystanyň Prezidenti Sadyr Žaparow bilen ikitaraplaýyn gepleşikleri meýilleşdirildi. Ol şeýle hem ýurduň daşary işler ministri Žeenbek Kulubaýew bilen gepleşikleri geçirer. Sebit howpsuzlygy, durmuş-ykdysady, syýasy we medeni ugurlarda hyzmatdaşlygy ösdürmek ara alnyp maslahatlaşylar. Guterriş Gyrgyzystanda birnäçe halkara guramalaryň wekilleri bilen duşuşar.
Antoniu Guterriş mundan öň Özbegistanda boldy, ol Gyrgyzystandan soňra Gazagystana, Täjigistana we Türkmenistana barar.