Özbegistanyň paýtagtynda bolan partlamada ejir çekenleriň sany 163 adama ýetdi diýip, ýurduň Saglygy goraýyş ministrligine salgylanýan «Habar 24» ýazýar.
Ýaşaýjylaryň 30-sy hassahana eltildi, beýleki ejir çekenlere lukmançylyk kömegi berlip, öýlerine goýberildi. Partlama wagty şikes alan ýetginjegiň aradan çykandygy habar berildi.
Özbegistanyň Prezidentiniň buýrugy boýunça Premýer-ministriň orunbasarynyň ýolbaşçylygyndaky hökümet topary döredildi.
Ýeri gelende aýtsak, penşenbä geçilýän gije sagat üç töweregi Daşkentdäki gümrükhana ambarlarynyň birinde partlama boldy, ýangyny daňa golaý öçürmek başartdy.
