Türkmenistanly hüjümçi Süleýman Muhadow Duşenbäniň SSKA futbol toparynyň düzüminde «Hatlon» bilen geçirilen ýoldaşlyk duşuşygynda tapawutlandy.
Duşuşyk şenbe güni Duşenbe şäherinde geçirildi. Ol 1:1 hasabyndaky deňlik bilen tamamlandy.
Başda biz Muhadowyň «Hujand» bilen şertnama baglaşandygyny ýazypdyk. Ýöne oýunçynyň SSKA geçmegi bilen bagly hiç hili resmi habar berilmedi.
SSKA-nyň Täjigistanyň çempionatynyň geçen möwsümini bäşinji orunda tamamlandygyny ýatladýarys.
Täjigistanda täze futbol möwsümine 1-nji aprelde badalga berler. Ýurduň 32-nji çempionatyna 10 topar gatnaşar.
