Türkmenistanyň we Russiýa Federasiýasynyň Gahrymany, instruktor, synagçy kosmonawt, «Roskosmos» korporasiýasynyň kosmonawtlar toparynyň serkerdesi Oleg Kononenkodan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň adyna gutlag haty gelip gowuşdy. Bu barada «Watan» habarlar gepleşiginde habar berildi.
Kosmonawt Oleg Kononenko gutlag hatynda Gurbanguly Berdimuhamedowy täze, 2023-nji ýyl bilen tüýs ýürekden gutlaýar.
— Türkmenistan 2023-nji ýyly parahatçylykda, asudalykda hem-de ertirki güne ynam bilen garşy aldy. «Halkyň Arkadagly zamanasy» şygary bilen geçen ýyl halkyň agzybirliginiň we jebisliginiň, türkmen halkynyň döwletliligi pugtalandyrmakda, Türkmenistanyň halkara abraýyny belende galdyrmakda, 2023-nji ýylda öňde goýlan wezipeleri çözmekde mundan beýläk hem öňe gitmäge taýýardygynyň subutnamasy boldy. Şunda Size we halk häkimiýetiniň ýokary wekilçilikli edarasy — Türkmenistanyň Halk Maslahatyna ýolbaşçy bolup alyp barýan işleriňize, parlamentara hyzmatdaşlygy giňeltmek we pugtalandyrmak boýunça edýän tagallalaryňyza uly orun degişlidir.
Maňa, işime we hünär üstünliklerime berýän hemişelik ünsüňiz üçin Size tüýs ýürekden hoşallygymy bildirýärin. Bu ünsüňizi mundan beýläk hem belent sepgitlere ýetmek üçin ylham beriji güýç hökmünde kabul edýärin. Siziň bilen şu ýylda duşuşmaga umyt edýärin we mähriban Watanyma — Türkmenistana ýene bir gezek barmaga şatdyryn.
Goý, 2023-nji ýyl Size, Siziň maşgalaňyza berk jan saglyk we rowaçlyk, ildeşlerim — türkmenistanlylara bolsa parahatçylyk we täze üstünlikleri getirsin! — diýip, kosmonawt Oleg Kononenko gutlag hatynda belleýär.
