DÇ-2022-niň «A» toparçasyndan orun alan Senegal — Niderlandlar oýny Ýewropanyň wekiliniň ýeňşi bilen tamamlandy. «Al Tumama» stadionynda geçirilen duşuşykda Gakpo (84) we Klassen (90+9) tarapyndan urlan gollar Niderlandlaryň milli ýygyndysyna ýeňiş getirdi.
Şeýlelikde, birinji tapgyrdan soňra Niderlandlaryň we Ekwadoryň milli ýygyndylary 3 utuk bilen «A» toparçada 1-2-nji orunlary paýlaşyp durlar. Ýer eýesi Kataryň we Afrikanyň häzirki çempiony Senegalyň hasabynda bolsa heniz utuk ýok. Ikinji tapgyrda Katar Senegal bilen, Niderlandlar bolsa Ekwador bilen güýç synanyşar.
