Meşhur ermeni multiplikatorlary— doganlar Saakýanslaryň döreden “Olimpionik” («Олимпионик») atly doly göwrümli animasion filmi rus prokatyna çykýar. Bu film Olimpiýa oýunlaryna gatnaşan hökümdar baradadyr. Multfilmiň ilkinji görkezilişi şu gün — 19-njy maýda “Patyşanyň başdan geçirmeleri” («Приключения царя») diýen at bilen RF-niň kinoteatrlaryna görkeziler diýip, MIR24 ýazýar.
Komediýa görnüşindäki animasion film durmuşda bolan wakalara esaslanýar. Ol Arşakidler şaneslinden bolan Warazdat atly ermeni hökümdarynyň boksdaky üstünlikleri baradadyr. Ol 394-nji ýylda boks boýunça çempion bolup,
Olimpikosyň hormatly derejesine mynasyp bolupdyr. Olimpiýa şäherinde Warazdatyň heýkeli hem bar, şeýle-de ol barada ýerleşdirilen hormat tagtajyklarynda ermeni patyşasynyň sport bäsleşiklerinde ýeňiş gazanandygy gürrüň berilýär diýip, “Olimpionigiň” režissýory Dawid Saakýans gürrüň berýär.
Bu ilkinji gezek giň rus prokatyna çykýan doly göwrümli ermeni multfilmidir.