Kulýab şäheriniň «Rawşan» futbol topary Täjigistanyň kubogy ugrundaky ýaryşyň final duşuşygynda ýeňiş gazandy. Topar aýgytlaýjy duşuşykda «Hatlony» 1:0 hasabynda ýeňdi.
Täjigistanyň Futbol federasiýasynyň habar berşi ýaly, duşuşykdaky ýeke-täk pökgini 67-nji minutda goragçy Daler Şomurodow 11 metrlik jerime urgusyndan geçirdi.
Şeýlelikde, Täjigistanyň taryhynda ilkinji gezek ýurduň ikinji derejeli çempionatynyň wekili Kuboga mynasyp boldy. Ýöne «Rawşanyň» 1994-nji ýylda-da Täjigistanyň kubogyny gazanandygyny ýatdan çykarmaly däl. Şol möwsümde topar Ýokary ligada ýaryşýardy.
Şeýlelikde, «Rawşan» 2021-nji ýylda AFK-nyň kubogy ugrundaky ýaryşa gatnaşmaga hukuk gazandy. Eger topar AFK-dan degişli ygtyýarnamany alyp bilse, indiki möwsümde Türkmenistanyň, Özbegistanyň we Gyrgyzystanyň wekilleri bilen yklymyň ikinji derejeli ýaryşyna gatnaşyp biler.