Aşgabatda 5-nji we 6-njy iýulda aýdymçy-aktrisa Jessika Linniň ýolbaşçylygyndaky amerikan kantri-rok toparynyň konsertleri geçiriler.
ABŞ-nyň Türkmenistandaky ilçihanasynyň metbugat gullugynyň habar bermegine görä, çykyşlar şu aşakdaky ýerlerde we tertipde geçiriler:
- Şenbe güni, 5-nji iýulda sagat 19:00-da «Türkmenistan» kinokonsert zalynda;
- Ýekşenbe güni, 6-njy iýulda sagat 19:30-da «Arkaç» Söwda-dynç alyş merkezinde.
Konsertler jemgyýetçilik üçin göni nobat tertibinde açyk bolar.
