Madridiň «Real» we Saud Arabystanyň «Al-Hilal» klublary ABŞ-da geçirilýän futbol boýunça klublaryň dünýä çempionatynyň pleý-off tapgyryna gatnaşjaklaryň soňky klublary boldy.
Toparçalaýyn tapgyryň soňky aýlawynda «Real» Awstriýanyň «Salzburg» klubyna geçiren gollaryny 3:0 hasaba ýetirip, ynamly ýeňiş gazandy, «Al-Hilal» bolsa Meksikanyň «Paçuka» klubyny 2:0 hasaby bilen ýeňdi.
Bije çekilmegiň netijesinde 1/8 finalda Ispaniýanyň meşhur topary Italiýanyň «Ýuwentusy» bilen duşuşar, Saud Arabystanyň kluby bolsa Angliýanyň «Mançester Siti» klubyna garşy oýnar.
1/8 finalyň beýleki jübütlerinde: «PSŽ» - «Inter Maýami», «Palmeiras» - «Botafogo», «Baýern» - «Flamengo», «Çelsi» - «Benfika», «Inter» - «Fluminense», «Monterrey» - «Borussia Dortmund» özara duşuşarlar.
1/8 final oýunlary 28-nji iýundan 2-nji iýula çenli geçiriler. Ýaryş «Palmeiras» bilen «Botafogo» klublarynyň duşuşygy bilen başlanar. Bu duşuşygyň ýeňijisi çärýek finalda «Çelsi» - «Benfika» jübütiniň ýeňijisi bilen duşuşar.
Klublaryň dünýä çempionatynda ilkinji gezek 32 topar gatnaşýar, olar sekiz toparça bölünip, her toparçada dört klub bar. Pleý-off tapgyryna her toparçadan iň gowy iki topar çykdy. Ýaryşyň final oýny 13-nji iýulda geçiriler.
