Madridiň San-Karlos kliniki hassahanasynda saç düşmegini bejermegiň täze usulyny işläp düzdüler. Olar saçy laboratoriýa şertlerinde ösdürip başladylar diýip, «Stem Cell Research and Therapy» žurnalynda çap edilen makala salgylanýan «New York Post» gazeti habar berdi.
Synag syçanlarda geçirildi, hünärmenler munuň üçin ýag dokumalaryndan düýp öýjükleri we güýç beriji adenozintrifosfat molekulalaryny aldylar. Synag edilýän jandarlaryň ählisiniň tüýi täzeden ösüp çykdy, şunda olaryň ýarysynyň tüýi çalt ösdi. Alnan netijeleri indi adamlaryň gatnaşmagyndaky synaglarda barlamakçy bolýarlar.