Dubaýdaky «Duty Free» salgytsyz söwda dükany meşhur ýerli şokoladyň aprel aýynda 7,84 million dollarlygyny satdy. Bu barada dükanlar zynjyrynyň saýtyna salgylanýan «rg.ru» habar berýär.
Dubaý şokoladlaryny, esasan, russiýalylaryň satyn alandygy bellenýär, ýagny aprelde ähli harytlaryň 195,4 million dollarlyk möçberiniň 15 million dollara golaýyny Russiýanyň raýatlary satyn aldylar.
«Duty Free» dükanlarynyň umumy söwdasynda birinji orny hindiler eýeledi (19,76 mln dollar). Üçünji orunda Saud Arabystanyň raýatlary (14,03 mln dollar) ýerleşdi. Ondan soňra hytaýlylar (10,75 mln dollar) we britanlar (9,92 mln dollar) gelýär.
Saýtda dubaý şokoladynyň haýran galdyryjy üstünligini dowam edýändigi bellenýär. Aprelde satuwlaryň 7,84 mln dollara ýetmegi şokoladyň her gün 274 müň dollarlygynyň satylandygyny görkezýär.
