«Argus Media» analitik kompaniýasy we «TurkmenExpo» türkmen işewürlerini Aşgabatda guraljak «Halkara söwda we hyzmatlar» (ITSE-2025) halkara sergisiniň çäklerinde 1-nji maýda geçiriljek ýöriteleşdirilen sessiýa gatnaşmaga çagyrýar.
Bu çäre Türkmenistanyň Söwda-senagat edarasynyň binasynda sagat 9:00-dan 12:00-a çenli geçiriler. Ol sebitiň nebithimiýa we logistika ýaly pudaklarynyň ösüşiniň häzirki zaman meselelerine bagyşlanar.
Sessiýa gatnaşyjylar dökünleri öndürmek we daşamak, kükürdi daşamak we saklamak ýaly möhüm önümçilik ugurlaryny ara alyp maslahatlaşyp bilerler, şeýle hem Merkezi Aziýada hem-de Hazarda nebit we nebit önümleriniň bazary barada seljerme maglumatlaryny alyp bilerler. «Argus Medianyň» hünärmenleri kompaniýalara işini döwrebaplaşdyrmaga we halkara bazarlara çykmaga ýardam etjek iň oňat tejribeleri we innowasiýa çözgütlerini hödürlärler. Degişli pudagyň daşky gurşawyň durnuklylygyny goramak bilen bagly meselelerine aýratyn üns berler.
Türkmen kärhanalary üçin sessiýa gatnaşmak halkara hünärmenler bilen işewürlik gatnaşyklaryny ýola goýmak, tejribe alyşmak hem-de öňdebaryjy hünärmenleriň analitiki maglumatlaryna elýeterlilik almak üçin ajaýyp mümkinçilik bolar.
Sessiýa gatnaşmak tölegsizdir, ýöne boş ýerleriň çäklidigi sebäpli, hasaba alynmak maslahat berilýär. Çärä gatnaşmak isleýänler serginiň itse.turkmenexpo.com resmi web saýtynda ýa-da itse@turkmenexpo.com elektron poçta salgysy arkaly hasaba alnyp bilerler.
Nebit-himiýanyň we logistikanyň geljegi baradaky dialoga gatnaşmak mümkinçiligini elden gidirmäň!
