Top.Mail.Ru

Soňky habarlar

Arhiw

Aleksandr Lukaşenko Aşgabatda geçiriljek halkara foruma çagyryldy

23:0028.02.2025
0
27838
Aleksandr Lukaşenko Aşgabatda geçiriljek halkara foruma çagyryldy
Surat: mfa.gov.tm

Şu gün Türkmenistanyň Belarus Respublikasyndaky Adatdan daşary we Doly ygtyýarly ilçisi N.Şagulyýew bilen Belarus Respublikasynyň daşary işler ministriniň orunbasary P.Utýupiniň arasynda duşuşyk geçirildi. Bu barada daşary syýasat edarasy habar berýär.

Duşuşygyň barşynda ilçi P.Utýupine türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň adyndan Belarus Respublikasynyň Prezidenti Aleksandr Lukaşenkonyň adyna ýollanan Halkara parahatçylyk we ynanyşmak ýyly mynasybetli we Türkmenistanyň hemişelik Bitaraplygynyň 30 ýyllygyna bagyşlanyp geçiriljek Parahatçylygyň we ynanyşmagyň halkara forumyna resmi çakylyk hatyny gowşurdy.

Şeýle hem söhbetdeşler ikitaraplaýyn hyzmatdaşlygy pugtalandyrmak ugrunda geljekde bilelikde amala aşyrylmaly işleriň çäklerinde döwletara gatnaşyklarynyň möhüm ugurlaryna garadylar.

Teswirler
Teswir ýazmak üçin içeri giriň ýa-da registrasiýa boluň