Ýewropa Bileleşiginiň daşary işler we syýasy howpsuzlyk boýunça Ýokary wekili, Ýewropa komissiýasynyň wise-prezidenti Kaýa Kallas mart aýynda Aşgabada sapar bilen geler.
Saparyň maksady «Ýewropa Bilelşigi — Merkezi Aziýa» formatyndaky ministrler maslahatyna gatnaşmakdan ybarat. Bu barada ÝB-niň Türkmenistandaky wekilhanasynyň metbugat gullugy habar berdi.
Ýeri gelende bellesek, Merkezi Aziýa döwletleriniň we Ýewropa Bileleşiginiň daşary işler ministrleriniň 20-nji maslahaty 4-nji martda Aşgabatda geçiriler.
