9-16-njy fewral aralygynda Duşenbede Merkezi Aziýa futbol assosiasiýasynyň (CAFA) futzal boýunça zenanlar ýygyndylarynyň çempionaty geçiriler. Ýaryşa Türkmenistanyň, Täjigistanyň, Eýranyň, Özbegistanyň we Gyrgyzystanyň ýygyndylary gatnaşar.
CAFA Zenanlar Futzal Çempionaty-2025 ýaryşynyň düzgünnamasynyň esasynda ýygyndylaryň hersi biri-biri bilen aýlaw ulgamy boýunça duşuşar. Ýeňiji toplanan ballaryň esasynda kesgitlener.
Türkmenistanyň ýygyndysy ýaryşa 9-njy fewralda Gyrgyzystanyň ýygyndysynyň garşysyna oýnamak bilen başlar.
Türkmenistanyň ýygyndysynyň oýunlarynyň tertibi:
9-njy fewral
14:00 Türkmenistan – Gyrgyzystan
10-njy fewral
16:00 Türkmenistan – Özbegistan
12-nji fewral
19:00 Täjigistan – Türkmenistan
14-nji fewral
16:00 Eýran – Türkmenistan
Oýunlaryň ählisi «Warziş TV» teleýaýlymy arkaly görkeziler.
