Türkmenistan 2024-nji ýylyň ýanwar — oktýabr aýlarynda Gyrgyz Respublikasyna umumy bahasy 8,9 million amerikan dollaryna deň bolan 15,2 müň tonna pomidor eksport etdi.
Bu görkeziji 2023-nji ýylyň degişli döwri bilen deňeşdirilende, 23 göterim ýokarydyr. Has takygy, 2023-nji ýylyň ýanwar — oktýabr aýlarynda gyrgyz bazaryna iberilen türkmen pomidorlarynyň umumy bahasy 7,6 million amerikan dollaryna, umumy agramy bolsa 12,3 müň tonna deň bolupdy. Bu barada Gyrgyzystanyň Milli statistika komitetine salgylanyp, tazabek.kg habar berýär.
Hasabat döwründe Türkmenistan Gyrgyzystany pomidor bilen esasy üpjün ediji boldy. Bu ugurda ikinji orun Özbegistana (umumy bahasy 2,8 million amerikan dollary, umumy agramy 3 müň 594,8 tonna), üçünji ýer bolsa Hytaýa (umumy bahasy 947,9 müň amerikan dollary, umumy agramy 722 tonna) degişli.
