Güýçli ýagan gar we şemal Bosniýa bilen Gersogowinada on müňlerçe öýde toguň öçmegine sebäp boldy diýip, «Associated Press» (AP) habarlar gullugyna salgylanýan «INTERFAX.RU» habar berdi.
«Güýçli gar ýagmagy sebäpli elektrik geçirijileri hatardan çykdy, olary abatlamak gar syrgynlary sebäpli kynlaşdy» diýlip, Bosniýanyň döwlet elektrik kompaniýasynyň habarynda aýdylýar.
Bosniýanyň we Gersogowinanyň käbir etraplarynda gar sebäpli demir ýol gatnawy doly togtadyldy. Goňşy Horwatiýa bilen Serbiýada-da ulag gatnawlarynda kynçylyklar hasaba alyndy.
Häzirki wagtda tutuş Balkanlar ýarymadasynda awtoulagda hereket etmekden saklanmak maslahat berilýär, sebäbi gar syrgynlary sebäpli ýarymadanyň ýurtlarynyň Hökümetleri birnäçe esasy ýollary ýapmaga mejbur boldular.
