«Buzuň we garyň uly dünýäsi» — Hytaýyň Harbin şäherinde açylan gyşky festiwal şeýle atlandyryldy. Ol 26-njy gezek geçýär we dünýäde iň uly festiwaldyr diýip, «MIR 24» teleýaýlymy habar berdi.
Açyk asmanyň astyndaky bir million inedördül metr ýerde tutuş şäher gurdular. Ol üçin buzuň we garyň 300 müň kubmetri gerek boldy.
«Buz» şäheriň bezeginde geljek ýyl Harbinde geçjek gyşky Aziýa oýunlarynyň alamatlary peýdalanyldy. Oýunlara gatnaşjak ýurtlaryň meşhur ýerleri gardan we buzdan dikeldildi.
Her ýyl festiwaly synlamak üçin dünýäniň çar künjeginden müňlerçe jahankeşde gelýär.
