25 — 29-njy noýabr aralygynda Aşgabatda ÝHHG tarapyndan howa menziliniň barlag nokatlarynda ýolagçylary barlamak we floroskopiki şekilleri düşündirmek boýunça okuw sapaklary geçirildi.
5 gün dowam eden okuw sapaklaryna Türkmenistanyň hukuk goraýjy işgärleriniň 20-si, şol sanda Içeri işler ministrliginiň, «Türkmenhowaýollary» agentliginiň Awiahowpsuzlyk gullugynyň, Döwlet gümrük gullugynyň hem-de Döwlet serhet gullugynyň wekilleri gatnaşdylar.
ÝHHG-niň Aşgabatdaky edarasy tarapyndan guralan bu okuw sapaklarynyň maksady gatnaşyjylaryň gadagan edilen zatlary we howplary has gowy kesgitlemek, şeýle hem floroskopik enjamlar bilen netijeli we howpsuz işlemek üçin zerur bolan amaly endiklerini ýokarlandyrmak bolup durýar.
Bu okuw sapaklaryna degişli halkara düzgünleri tanyşdyryldy we howa menziliniň işgärleriniň ählisine howpsuzlyk işlerinden habarly bolmagyň möhümdigi aýdyldy.
Beýik Britaniýadan gelen halkara bilermen floroskopiki gözegçilik operatorlarynyň hünär ussatlygy barada jikme-jik maglumatlary paýlaşdy we operatorlaryň özleri üçin radiasiýa howpsuzlygy habardarlygyna aýratyn üns bermekleri boýunça sapak berdi.
Gatnaşanlar partlaýjy enjamlary, ot açýan ýaraglary, adaty bolmadyk we öýde ýasalan ýaraglary kesgitlemek, şeýle hem gadagan zatlar bilen baglanyşykly täze howplary ara alyp maslahatlaşdylar. Okuwyň çäginde Aşgabadyň halkara howa menziline sapar guraldy. Ol ýerde gatnaşyjylar ýolagçylary we goşlary barlamak üçin floroskopiki enjamlary ulanmak endiklerini öwrendiler.
