9-njy noýabrda AFK Kubogynyň 4-nji tapgyrynyň çäklerinde «Aşgabat» köpugurly stadionynda «Altyn asyr» — «Merw» oýny geçiriler. Oýun sagat 19:00-da başlanar.
Türkmenistanyň Futbol federasiýasynyň habar bermegine görä, duşuşygyň öňýanyndaky günde «Aşgabat» stadionynda köpçülikleýin habar beriş serişdeleriniň wekilleri üçin metbugat ýygnagy geçiriler.
8-nji noýabr, çarşenbe:
- 11:30 — «Mewriň» baş tälimçisi Witaliý Alikperowyň hem-de toparyň oýunçysynyň gatnaşmagynda metbugat ýygnagy;
- 11:45 — «Altyn asyryň» baş tälimçisi Ýazguly Hojageldiýewiň hem-de toparyň oýunçysynyň gatnaşmagynda metbugat ýygnagy;
Ýeri gelende bellesek, AFK Kubogynyň 3-nji tapgyrynda «Altyn asyr» «Merwi» 2:1 hasabynda ýeňlişe sezewar edipdi.
Häzirki wagtda AFK Kubogynyň 4-nji tapgyrynyň çäklerinde «Aşgabat» köpugurly stadionynda geçiriljek «Altyn asyr» — «Merw» oýnunyň petekleriniň satuwy dowam edýär. Petekleri «Aşgabat» stadionynyň kassalaryndan, şeýle-de «Berkarar», «Gülzemin» we «Garaşsyzlygyň 15 ýyllygy» söwda we dynç alyş merkezlerindäki satyş nokatlaryndan satyn alyp bilersiňiz. Bir petegiň bahasy — 30 manat.
