Aşgabadyň «Altyn asyr» futbol topary Türkmenistanyň çempionatynyň 13-nji tapgyrynyň çäginde myhmançylykda Marynyň «Merwini» 1:0 hasabynda ýeňdi. Duşuşykdaky ýeke-täk goly 69-njy minutda Selim Nurmyradow geçirdi.
Bu ýeňişden soň ýene 3 utuk gazanan «Altyn asyr» (jemi 35 utuk) ýaryşyň lideri «Arkadag» futbol toparyndan soň (42 utuk) ikinji orundaky ýerini berkitdi. 12 utukly «Merw» bolsa ýedinji basgançakda galdy.
Bu duşuşyk AFK-nyň kubogynda çykyş edýän türkmen toparlarynyň ikisi üçin hem möhüm duşuşyklaryň öň ýanyndaky taýýarlyk boldy. Iki topar Merkezi sebitde ― «E» toparçasynda ýaryşýar.
Ýeri gelende, iki türkmen toparynyň taryhda ikinji gezek biri-birine bir toparçada garşydaş bolmasyna gabat gelýäris. Mundan bäş ýyl ozal hem yklymyň ikinji derejeli ýaryşynda «Altyn asyr» bilen «Ahal» «D» toparçanyň wekilleri bolupdylar. Şol ýyl «Altyn asyr» ajaýyp oýun görkezip, ýaryşyň finalyna çenli baryp ýetipdi.
AFK-nyň kubogy ― 2023/24. Merkezi sebit. «E» toparça
1-nji tapgyr, 21-nji sentýabr (penşenbe):
- «Rawşan» (Täjigistan) – «Merw» (Türkmenistan) – 0:0
- «Abdyş-Ata» (Gyrgyzystan) – «Altyn asyr» (Türkmenistan) – 3:0
2-nji tapgyr, 5-nji oktýabr (penşenbe):
- «Altyn asyr» (Türkmenistan) – «Rawşan» (Täjigistan)
- «Merw» (Türkmenistan) – «Abdyş-Ata» (Gyrgyzystan)
3-nji tapgyr, 26-njy oktýabr (penşenbe):
- «Rawşan» (Täjigistan) – «Abdyş-Ata» (Gyrgyzystan)
- «Merw» (Türkmenistan) – «Altyn asyr» (Türkmenistan)
4-nji tapgyr, 9-njy noýabr (penşenbe):
- «Abdyş-Ata» (Gyrgyzystan) – «Rawşan» (Täjigistan)
- «Altyn asyr» (Türkmenistan) – «Merw» (Türkmenistan)
5-nji tapgyr, 30-njy noýabr (penşenbe):
- «Merw» (Türkmenistan) – «Rawşan» (Täjigistan)
- «Altyn asyr» (Türkmenistan) – «Abdyş-Ata» (Gyrgyzystan)
6-njy tapgyr, 14-nji dekabr (penşenbe):
- «Rawşan» (Täjigistan) – «Altyn asyr» (Türkmenistan)
- «Abdyş-Ata» (Gyrgyzystan) – «Merw» (Türkmenistan).
