Türkmenistanly futbolçy Bagtyýar Gürgenow Nawoi şäheriniň «Kyzylkum» futbol toparynda ilkinji resmi duşuşygyny geçirdi.
Onuň topary Özbegistanyň çempionatynyň öňdebaryjysy «Nawbahordan» 1:2 hasabynda asgyn geldi.
Başlangyç düzümde meýdana çykan türkmenistanly goragçy tä oýnuň ahyryna çenli toparyna kömek berdi.
Bagtyýar Gürgenowyň «Kyzylkuma» geçen aýda goşulandygyny ýatladýarys. Ol topar bilen möwsümiň ahyryna çenli şertnama baglaşdy. «Kyzylkum» indiki duşuşygyny 5-nji awgust güni «Buhara» bilen geçirer.
