Marynyň «Merw» futbol topary Türkmenistanyň Futbol federasiýasynyň kubogy ugrundaky ýaryşda geçiren ilkinji duşuşygynda «Aşgabatdan» 4:1 hasabynda üstün çykdy. Bu barada «Janköýer» habar berýär.
Duşuşykda ýeňiji toparyň gollaryny 21-nji we 37-nji minutlarda Alibek Abdyrahmanow, 36-njy minutda Musa Nurnazarow, 68-nji minutda bolsa Toýly Goçnazarow geçirdi. «Aşgabadyň» ýeke-täk goly bolsa 31-nji minutda Söhbet Allanurowyň dürs ýerine ýetiren 11 metrlik jerime urgusyndan soň geldi.
Ýaryşyň 2-nji tapgyrynda «Merw» ertir «Şagadam» bilen, «Aşgabat» bolsa «Altyn asyr» bilen duşuşar.
