Şu gün Türkmenistanyň Prezidenti Serdar Berdimuhamedow Ýewropada Howpsuzlyk we Hyzmatdaşlyk Guramasynyň Baş sekretary hanym Helga Şmidi kabul etdi.
Myhman Serdar Berdimuhamedowa wagt tapyp, kabul edendigi üçin hoşallygyny bildirip, ÝHHG bilen Türkmenistanyň arasyndaky hyzmatdaşlygyň möhüm ugurlaryna uly ähmiýet berilýändigini belledi.
Türkmenistanyň Halk Maslahatynyň resmi saýtynda berilýän habara görä, duşuşygyň barşynda Ýewropada Howpsuzlyk we Hyzmatdaşlyk Guramasynyň Baş sekretary hanym Helga Şmid Prezident Serdar Berdimuhamedowa Arkadag şäheriniň «Ýewropada Howpsuzlyk we Hyzmatdaşlyk Guramasynyň sebitinde durnukly, ýaşyl howa üçin oňaýly we innowasion çözgütli şäherleri ösdürmek» taslamasyna goşulandygy hakyndaky güwänamany gowşurdy.
