Türkmenistanly agyr atletikaçy Bunýad Raşidow şu günler Koreýa Respublikasynyň Çinju şäherinde geçirilýän Aziýanyň çempionatynda ştangany silterläp galdyrmak boýunça bürünç medalyň eýesi boldy. Ol bu üstünligi 67 kilograma çenli agram derejesinde 10 döwlete wekilçilik edýän 12 türgeniň arasynda gazandy.
Bu usulda 140 kilogram agyrlygy eýgeren Raşidow ony itekläp galdyrmakda 162 kilogram agyrlygy başynyň üstüne göterdi. Şeýlelikde, Bunýad iki görnüşiň jemi boýunça bäşinji orny eýeledi.
Aziýanyň çempionatyna Türkmenistandan 16 türgen gatnaşýar. Yklym ýaryşy 13-nji maýda tamamlanar.
