Habar berşimiz ýaly, Aşgabada sapar bilen gelen Ysraýylyň daşary işler ministri Eli Koen şu gün Türkmenistanyň Prezidenti Serdar Berdimuhamedow bilen duşuşdy. Soňra saparynyň çäklerinde Türkmenistanyň daşary işler ministri R.Meredow tarapyndan kabul edildi. Bu barada E.Koen özüniň «Twitter» sahypasynda habar berdi.
Bellenilişi ýaly, ikitaraplaýyn gepleşikleriň barşynda ýurtlaryň arasyndaky dostluk we hyzmatdaşlyk gatnaşyklaryny pugtalandyrmak boýunça özara pikir alşyldy.
Duşuşygyň dowamynda howpsuzlyk, energetika, tehnologiýa, oba hojalygy we başgada gyzyklanma bildirilýän ugurlarda hyzmatdaşlygy ýokarlandyrmagyň häzirki ýagdaýy hem-de geljegi boýunça käbir teklipler öňe sürüldi.
