Türkmenistanyň Astana şäherindäki diplomatik wekili Batyr Rejepow Lew Gumilýow adyndaky Ýewraziýa milli uniwersitetiniň talyplary bilen umumy okuw sapagyny geçdi. Ol öz çykyşynda şu ýyl Türkmenistanda geçiriljek möhüm çärelere ünsi jemledi diýlip, ýokary okuw mekdebiniň metbugat gullugy tarapyndan habar berildi.
Diplomatyň belleýşi ýaly, 2023-nji ýyl Türkmenistanda «Arkadag Serdar bilen bagtly ýaşlar» şygary astynda geçýär. Mart aýynda Mejlisiň deputatlarynyň saýlawlary geçiriler. Şu ýyl we geljek ýyl ýurtda akyldar şahyr Magtymguly Pyragynyň doglan gününiň 300 ýyllygy mynasybetli dabaralar geçiriler.
Okuw sapagynyň dowamynda Rejepow Aşgabat tarapyndan başy başlanan Halkara Himiýa Internet Olimpiadasynyň netijeleri boýunça gowy netijeleri görkezen ENU-nyň dört talybyny sylaglady.
Şeýle hem diplomat döwletiň diňe ýaş raýatlaryň ösüşine we goldawyna aýratyn üns beren halatynda syýasy we ykdysady üstünliklere ýetip biljekdigini aýtdy.
Bellenilişi ýaly, häzirki wagtda Ýewraziýa milli uniwersitetinde Türkmenistanyň 56 raýaty bilim alýar. Ýakyn wagtda ENU-nyň professor-mugallymlarynyň Aşgabat şäherine iş sapary bilen gelmegine garaşylýar.
