Türkmenistanyň «Galkynysh Esport« elektron sporty topary Dota 2 boýunça geçiriljek dünýä çempionatynyň sebitleýin saýlama duşuşyklaryna gatnaşar.
«Galkynysh Esport» 8 toparyň arasynda geçirilen milli ýaryşda ýeňiji bolup, halkara derejesinde çykyş etmäge hukuk gazandy.
Türkmenistanyň Elektron sporty federasiýasy milli ýaryşyň finalynda «Galkynysh Esport» «Nusaýy» 3:0 hasabynda ýeňendigini habar beripdi. «Galkynysh Esport» Dota 2 boýunça Türkmenistanyň dört gezek çempionydyr.
Milli ýaryşyň iň gowy oýunçysy «Galkynysh Esport»-dan Denis Oglodin (Den4ez) saýlanyldy.
Dünýä çempionaty şu ýylyň 24-nji awgusty ― 4-nji sentýabry aralygynda Rumyniýanyň Ýassy şäherinde geçiriler.
