Başa-baş göreş boýunça türkmenistanly türgen Döwletjan Ýagşymyradow nobatdaky tutluşygyna American Top Team sport toplumynda taýýarlyk görýär. Hut, şu zal UFC-niň çempionlarynyň ençemesiniň ýetişen merkezidir.
«American Top Team» akademiýasy Maýami şäherinden (Florida ştaty) 60 kilometr uzaklykda ýerleşýän Kokonat-Krikde ýerleşýär. Bu zal MMA-iň dünýä meşhur zallarynyň biridir. Bu ýerde dürli promouşenleriň wekilleri türgenleşdi we türgenleşýär. АТТ-ni Den Lambert esaslandyrdy. Bu ýer 2016 ― 2019-njy ýyllar aralygynda MMA-iň iň gowy türgenleşik zaly hökmünde ykrar edildi.
Döwletjan Ýagşymyradow nobatdaky tutluşygyny 10-njy mart güni litwaly pälwan Julius Englikas bilen geçirer. Bellator 292-niň çägindäki bu tutluşyk ABŞ-nyň Kaliforniýa ştatynyň San-Hose şäherindäki «SAP-sentr» sport toplumynda geçiriler.
