Soňky habarlar

Arhiw

«Altyn asyr» Türkmenistanyň milli ýygyndysynyň goragçysy Hojowow bilen düzümini güýçlendirdi

14:1108.02.2023
0
26452

Aşgabadyň «Altyn asyr» futbol toparynyň metbugat gullugy «Ahalyň» we Türkmenistanyň milli ýygyndysynyň goragçysy Hoşgeldi Hojowowy erkin oýunçy hökmünde düzüme goşandygyny habar berdi.

Hoşgeldi Hojowow 1996-njy ýylda Aşgabadyň etegindäki Bagyr obasynda doguldy.

«Ahalyň» hataryna 2018-nji ýylda goşulan Hojowow arasynda «Aşgabat» toparynda hem futbol oýnap geldi. Geçen ýyl bolsa ol «Ahal» bilen ýurduň çempiony boldy hem-de Kubogyny gazandy.

Hojowow 2014 ― 2016-njy ýyllaryň aralygynda Aşgabadyň «Ýedigen» futbol toparynyň köýnekçesini geýdi.

Türkmenistanyň ýaşlar ýygyndysyna ilkinji gezek 2015-nji ýylyň ýanwar aýynda çagyrylan goragçy şol ýyl geçirilen Arkalaşygyň kubogynda 5 duşuşykda meýdana çykdy.

Soňky bir ýyldan bäri bolsa ol Türkmenistanyň milli ýygyndysynyň futbolçysydyr. Milli ýygyndydaky ilkinji duşuşygyny geçen ýyl Tailandyň ýygyndysy bilen bolan ýoldaşlyk oýnunda (0:1) geçiren Hoşgeldi Hojowow şondan bäri dört duşuşyga çykdy.

Transfermarkt oňa 75 müň ýewro baha kesýär.

Teswirler
Teswir ýazmak üçin içeri giriň ýa-da registrasiýa boluň