«SpaceX», «Tesla» kompaniýalaryny esaslandyran, ýakynda bolsa «Twitteri» satyn alan amerikaly işewür Ilon Mask «Mançester Ýunaýted» futbol klubyny hem satyn almak isleýändigini aýdy. Ol bu barada 16-njy awgustda «Twitterdäki» hasabyndan paýlaşdy.
Ýöne bary-ýogy bir setirlik ýazgynyň Maskyň hakyky maksady ýa degişmesidigi heniz belli däl. Ol mundan öň hem iri meseleleriň birnäçesine degişme bilen çemeleşendigi arkaly meşhurdyr. Şeýle-de bolsa ýeke setirlik twit dünýä jemgyýetçiliginde uly seslenme döretdi.
«Mançester Ýunaýtediň» paýnamalarynyň agramly bölegi häzir Maskyň watandaşy Malkolm Glazere degişli. Ýöne «gyzyl şeýtanlar» onuň kluby ýöredişinden nägile.