Düýn, çarşenbede Ýaponiýanyň Honsýu adasynyň birnäçe etraplarynyň üstünde meteorit uçup geçdi. Asman jisimini ýurduň NHK teleýaýlymy surata düşürdi.
Gözi bilen görenleriň aýtmagyna görä, asmanda otly şar uçyp geçdi, soňra partlama meňzeş ses eşidildi. Meteoritiň bölekleriniň ýere gaçan bolmagy mümkin diýlip çaklanýar. Waka bilen bagly ýitgi çekilendigi barada habar berlenok.
