Somaliniň ilatynyň 40 göterimine golaýy ýa-da ýurduň 6,1 million ýaşaýjysy ýeterlik azyga eýe däldir, etraplaryň köpüsinde bolsa eýýäm açlyk başlandy. Bu barada ýurduň Prezidentiniň guraklygyň netijelerine garşy göreş meseleleri boýunça ýörite wekili Abdirahman Abdişaku metbugat ýygnagynda habar berdi diýip, Belta.by saýty ýazýar.
Ýörite wekil häzir 330 müň çaganyň ýarym aç ýaşaýandygyny, 771 müň adamyň azygyň ýokdugy sebäpli öz ýaşaýan öýlerini terk edendiklerini habar berdi. Emele gelen ýagdaýyň esasy sebäbi Somalide soňky onýyllyklaryň dowamyndaky görlüp-eşidilmedik gurakçylyk bolup durýar.
Abdişaku halkara jemgyýetçiligini ýurda azyk önümleri babatda gyssagly kömek bermäge çagyrdy.
