Türkmenistanyň Futbol federasiýasynyň (TFF) Kubogy ugrundaky ýaryşyň aýgytlaýjy duşuşygynda “Ahal” bilen “Merw” toparlary duşuşdylar. Ikitaraplaýyn hüjümlerde geçen bu duşuşykda döreden mümkinçiligini has ýerlikli peýdalanan “Ahal” 1:0 hasabynda ýeňiş gazanyp, baş baýraga mynasyp boldy.
Üçünji orun ugrunda geçirilen duşuşykda “Aşgabat” topary Mary şäheriniň “Energetiginden” 1:0 hasabynda üstün çykdy.
Aşgabat şäherinde geçirilen TFF-niň Kubogy ugrundaky bäsleşikde Milli ligamyzyň toparlarynyň 7-siniň (“Aşgabat” , “Merw”, “Ahal”, “Energetik”, “Nebitçi”, “Şagadam”, “Köpetdag”) jem-de “Altyn Asyr” toprynyň ýaşlar düzüminiň gatnaşandygyy ýatladýarys.
Final
“Ahal” – “Merw” – 1:0
Gol: 44 (11 m.j.u.) Serdar Geldiýew (“Ahal”)
Bellik: Duşuşygyň 59-njy minutynda Resul Hojaew (“Ahal”) 11 metrlik jerime urgusyny nädürs ýerine ýetirdi).
Üçünji orun ugrundaky duşuşyk
“Aşgabat” – Energetik” – 1:0
Gol: 50 Şatlyk Gurbanow (“Aşgabat”).
