Gazagystanyň Premýer-ministri Askar Mamin Gazagystandan Özbegistana täze ýokary tizlikli otlynyň işe girizilendigini habar berdi. Ýokary tizlikli otly Türküstan – Şymkent – Daşkent ugurlarynda hereket eder.
Gazagystanyň Premýer-ministri Askar Mamin ýurduň Hökümetiniň giňişleýin ýygnagynda syýahatçylygy ösdürmek taslamalary barada çykyş etdi. Bu barada «Kazinform» habar berýär.
Gazagystanyň Premýer-ministri: «Türküstan – Şymkent – Daşkent aralynda açylan ýokary tizlikli demir ýoly syýahatçylaryň sanyny artdyryp başlar. Bu ýol syýahatçylykda 22000 sany täze iş ýerini, ykdysadyýetiň beýleki pudaklarynda bolsa jemi 100000 sany iş ýerini döreder.» – diýip belledi.
Askar Mamin Gazagystanyň içerki syýahatçylyk akymynyň 22 göterim artyp, 4,5 million adama ýetmegine garaşylýandygyny aýtdy. Şeýle hem ol, syýahatçylygyň jemi içerki önümdäki paýynyň 5,2 göterime ýetjekdigini belledi.
